(1996) Darkthrone – Total Death

بما أن ده أول ريفيو أكتبة من حوالى عشر سنين فحاولوا تستحملونى شوية و تعالوا نشوف حنبدأ منين.

و بما أن الإنطباعات الأولى تدوم فكرت ايه الألبوم اللى ممكن أبدأ به علشان أبهركم و قررت أبدأ بألبوم Total Death لDark Throne. ألبوم Total Death هو أكتر ألبوم مفضل لى لDarkthrone لأنه فى واحدة من أحسن أعمالهم و طبعاً مينفعش منذكرش أفتتاحية الألبوم بالRiff تراك ‘’Earths Last Picture’’. أتحداك أنك ماتقمش من مكانك تheadbang أول ما تسمعها.

على عكس ناس كتير من اللى حبو Darkthrone من خلال ألبومهم Soulside Journey اللى على كان بيقدم موسيقى death metal  أو اللى حبوهم من ألبوم الblack metal التاريخى ‘’A Blaze in the Northern Sky’’ أو ألبوم ‘’Transilvanian Hunger’’ علاقتى بهم بدأت ب’’Total Death’’ و الفضل يرجع لصديقى و زميلى فى الباند “صمدى”.

لو تتبعنا تواريخ صدور الألبومات بالترتيب حتلاحظ أن ‘’Goatlord’’ صدر فى نفس السنة لكن ‘’Goatlord’’ كان متسجل كrehearsal tape أو تقدر تقول تسجيل تجريبى أثناء بروفات الفريق فى الفترة بين ‘’Soulside Journey’’ و ‘’A Blaze in the Northern Sky’’ و تم إضافة الvocals عليه بعد كده. بعد توضيح النقطة دى, نقدر نعتبر ‘’Total Death’’ الألبوم التالى بعد  ‘’Panzerfaust’’  اللى صدر سنة 1995 و اللى رغم منة قوتة لكن دايماً بيتم إغفال ذكرة و تقديرة بسبب الألبوم اللى سبقه ‘’Transilvanian Hunger’’. فى الوقت ده (قبل توجههم للpunk فى ألبوم ‘’The Cult is Alive’’) كانوا Darkthrone كانوا ثابتين على مستواهم و مخذلوش محبيهم و بيقدموا المتوقع منهم دائماً لكن فى الألبوم ده, بدأوا يبعدوا شوية عن التركيبة المعتاده منهم. فى ألبوم “Total Death’’  بدأوا يستأثروا أكتر بفرق الموجة الأولى من الblack metal أمثال Hellhammer و Celtic Frost و Bathory. بعض الناس مكانوش مبسوطين بالتغيير و النتيجة النهائية اللى صدر عليها الألبوم لكن أنا لى رأيى أخر.

الألبوم ده فى كل حاجه من أول الriffs اللى حتخليك تheadbang و الblast beats للأجزاء الهادية البطيئة اللى ممكن تطلق عيها مجازاً doom metal. للأسف “فنريز” مش بيلعب الblast beat المميزة بتاعته فى الألبوم ده. و زيادة فى إستثارة جمهورهم ملاحظ جداً أن الmixing و الrecording بتاع النصف الأول مختلف عن الثانى و مأخوذ من جلسات تسجيل مختلفة. ممكن ده مكانش ملاحظ عند صدور الألبوم لما الناس بتمعه على كاسيت أو أسطوانات, ده كان بيدى فرصة أن الناس تفصل خلال فترة قلب الوش فى الكاسيت أو الأسطوانة لكن مع سماع الألبوم ورا بعضه على CD أو أى digital format بيوضح الفرق جداً.

بالنسبة لى و لنسبة كبيرة من المستمعين الجزء الأول هو الجزء المفضل لنا, الجزء الثانى هو  raw أكتر خصوصاً فى الvocals و هو الجزء اللى تقدر تقول أنهم كانوا بيجربو فى الinfluences  بتاعتهم أكثر, أغنية زى ‘’Blasphemer’’ تعتبر thrash metal تماماً شبيهة بأعمال Sodom و Slayer مثل  (Haunting the Chapel/Show no Mercy) هم قدروا يلعبوا ده بسهولة و حرفيه لكن مش ده اللى جمهورهم كان منتظرة و لحسن الحظ ده التراك الوحيد اللى من الطابع ده.

التراك الأخير ‘’The Serpents Harvest” هو اللى فى تنوع كبير فى الكتابة. فى المجمل الألبوم تقيل و مؤثر و مفيهوش تراك مالوش لازمة و لا بيملى الفراغ فقط هو جرعة مكثفة لمدة حوالى 35 دقيقة.

فى النهاية Darkthrone حاولوا يرضوا جمهورهم القديم و الجديد معاً فى  ‘’Total Death’’ لكن ده جاب نتيجه عكسيه نوعاً ما لكن من وجهة نظرى أنا أفضله عن ‘’A Blaze in the Northern Sky’’  لأنه أول علاقتى بDarkthrone و ده يخلينى أتغاضى عن بعض مشاكله.

تقييمى للألبوم هو 4 من 5

Comments

comments