Abnormality – Mechanisms Of Omniscience

 

بالرغم من تأسيس فريق Abnormality سنة 2005 إلا أنهم فضلوا ينتظروا خمسة سنين لإصدار أول EP لهم بعنوان “The Collective Calm in Mortal Oblivion” و من هنا بدأوا مشوارهم. الفريق أصدر أول ألبوم لهم سنة 2012 بعنوان Contaminating the Hive Mind” و بعده بأربع سنين الألبوم التانى “Mechanisms of Omniscience” اللى هيكون موضوع الريفيو ده.

 

ألبوم “ Mechanisms of Omniscience” تم إصداره فى أول سنة 2016 عن طريق Metal Blade Records و شخصياً أول ما سمعته كام مره كدة دخل أوتوماتيك ضمن أفضل عشر ألبومات لسنة 2016. أكتر نقاط تشد فى الألبوم ده هى الriffs التيكنيكال المعقدة المختلطة بستايل و سرعة إيقاع الold school death metal بطريقة ملفتة و مش بتلاقيها كتير فى ألبوم technical death metal. يزيد على ما سبق أن الvocals متوظفه بطريقة رائعة بحيث أنها متغطيش على الموسيقى زائد أن كلمات الأغانى كلها حقيقية و بتخاطب كتير من مشاكل عصرنا الحالى.
الألبوم بيبدأ بتراك “Swarm” اللى بتحس كأنه قنبلة أنفجرت فى وشك, التراك ده بيلخص و بيحكى اللى حتسمعة خلال الألبوم كله من Riffs تقيلة و brutal مخلوطة بجمل drums و blast beats و كل ده زى ما ذكرت متوج بصوت الvocalist “مليكه” اللى بيعبر بدقة عن الموسيقى متوظف معها صح تماماً ليحقق توازن بيبنه و بين الموسيقى. تانى تراك هو “Synthetic Pathogenesis” اللى يعتبر هو و التراك رقم 6 “Irreversible” مثال لقدرة Abnormality على كتابة تراكات تقيلة و brutal و توصيل الأحساس ده من خلال اللعب فى أوقات التوقيع للتراك (time signature) و سرعة الإيقاع (tempo). التراكين السابقين دول بيمثلوا الحلقة اللى بتربط بين Abnormality كفريق technical death metal و بين تأثرهم بفرق الold school death metal اللى كانت البداية لوجود فرق زيهم عن طريق مزج الriffs التقيلة و المعقدة بالriffs اللى بها groove المميزة للمدرسة القديمة.
تراك “Mechanisms of Omniscience” يبدأ بأداء مميز جداً من “مليكه” و كأنها بتهاجمك خصوصاً و التراك يبدأ بالكلمات المؤئره التالية:

Deception reigns the world over
الخداع يسيطر على العالم
Wrapped in the chains of new world order
مغلف بقيود النظام العالمى الجديد
Trapped in a cage designed for mind erosion
محبوس فى قفص مصمم لجعل العقول تتآكل
With perfect slaves who obey their owners’’
مع عبيد مثاليين مطيعين لأسيادهم

التراك ده هو و رقم 5 “Vigilant Ignorance” فيهم أكتر لازمتين “choruses’ ممتعين فى الألبوم كله و أحلى كلمات زائد أن الsolos فيهم سنة melody كاسرة القفش اللى يعتبر سمه عامه للألبوم. ”Catalyst of Metamorphosis” و “Assimilation’’ تراكين موسيقى فقط بدون كلمات ‘’instrumental’’ و موقعهم فى الألبوم متحدد بطريقة ذكية تخليك تاخد نفسك و بتزود التوقعات للى جى. كل ما تتقدم أكتر فى الألبوم بتوضح أكتر أن من أكتر نقاط القوة فى الألبوم هى الdrum lines و ده واضح قوى فى تراك زى ‘’Hopeless Masses’’ مع وجود لمسة melodic كده صغيرة بس مؤثرة. بعد الحماس و الترقب اللى بيبنية ‘’Assimilation’’ بتيجى ‘’Cymatic Hallucinations’’ و ‘’Consuming Infinity’’ و أنا حابب أننى أركز على الأخيرة أكتر.’’Consuming Infinity’’ خيار موفق جداً أنها تبقى أخر تراك. الriff بطيئة و تقيلة جداً بتبنى للى جى, الدرامر مطلع كل طاقتة و القفلة فيها double pedal و الصوت و هو بيعمل fade out مع صوت “مليكة” حتخليك تشغل الألبوم من أوله تانى.
‘’Mechanisms of omniscience’’ من الألبومات الدسمة اللى ممكن ياخد وقت منك علشان تستوعبة لكن فى رأيي هو من الألبومات المهمة جداً فى مسيرة Abnormality. إعتراضى الوحيد أن الvocals مدفونة فى بعض التراكات ورا الجيتارات زى ‘’Synthetic Pathogenesis’’ كان محتاج الدنيا تهدى شوية و الvocals تتقدم. رأييى النهائى أنه ألبوم يستحق السمع و اللى جى حيكون أفضل كمان و ممكن أقيمة 7.5/10.
حازم مهنى

Comments

comments